Kan eg sende ein faktura som PDF-vedlegg?
Bookingtjeneste kan sende PDF-dokument som vedlegg til e-post gjennom ein arbeidsflyt. Opprett sjølve fakturaen i eit faktura- eller rekneskapsprogram som oppfyller krava til nummerering og innhald. Ein PDF-mal i Bookingtjeneste sikrar ikkje i seg sjølv at desse krava er oppfylte.
Altinn skildrar krava til faktura, mellom anna maskinelt tildelte fakturanummer. Eit PDF-dokument er heller ikkje ein elektronisk faktura i EHF-format. Les Altinn si rettleiing om faktura og salsdokumentasjon.
Set opp sending av PDF-vedlegg
Lag PDF-dokument
Dersom du brukar ein dynamisk PDF-mal i Bookingtjeneste, opprettar og redigerer du han under Automatisering → PDF-dokument. Sjå rettleiinga for PDF-dokument nedanfor.
Lagre dokumentet og kontroller at det blir vist i lista. Dømet er ei bookingstadfesting, ikkje ein faktura med automatisk fakturanummerering.
Gå til Automatisering → Arbeidsflyt og klikk Lag ny arbeidsflyt. Gi arbeidsflyten eit namn, til dømes «Faktura på e-post». Vel Ny booking i Når dette skjer og Send e-post i Gjer dette. Fjern avmerkinga for Aktivert medan du gjer oppsettet, og klikk Opprett.
Opne e-posthandlinga med Oppsett. Panelet heiter Handlingsoppsett. Vel Kundens e-post i Til, skriv «Dokument frå avtalen» i Emne og «Her finn du dokumentet som vedlegg.» i Innhald.
I Vedlegg vel du feltet for PDF-dokumentet merkt [PATH]. Feltet brukar filstien til dokumentet; [URL] er lenka til dokumentet.
Kontroller at Aktivert er slått på i Handlingsoppsett, og klikk Lagre. Slå deretter på Aktivert øvst i arbeidsflyten; endringa blir lagra automatisk. E-posthandlinga og sjølve arbeidsflyten har kvar sin Aktivert-brytar.
PDF i e-post
Kontroller med ei testbooking at rett kunde får rett dokument. Sørg òg for at fakturaen blir bokført og oppbevart i rekneskapen.
Desse rettleiingane viser PDF-oppsett og e-posthandlinga i detalj: